گئجه گوندوز دولانان عشقيله جاناني تاپار

نئجه بولبول دولانار باغ و گلستاني تاپار

عاشقي يول يورا بولمز نقدر اولسا اوزاق

ائتسه همت ائله مجنون کيمي ليلاني تاپار

درد هجرانه دوزر گر آييرا دور زامان

بنده عشق اولا کيم مولک سليماني تاپار

باش قويوب سجديه اظهار پشيمانليق ايدر

باب رحمتده يانان قلبينه درماني تاپار

چرخ دورينده بير ايل عومر مسلمان سووشار

ماه ذيحجه رجب نيمه شعباني تاپار

سووشار ذکر و عبادتده گوزل شعبان ايي

يتشر ماه مبارک دل شيداني تاپار

ايلير جامعه نين رنگين عوض بير گونده

بنده لايق اولان رحمت يزداني تاپار

نه گوزا ايدي اورک ايناسين ائيليري صاف

پاک ائدر نفسينس هر کيم شب احياني تاپار

درک ايده بولسه شب قدري بيري خوش حالينا

سيلينر جمله گناهي گول ايماني تاپار

کيم اروج توتسا اورکدن اولار الله قوناقي

بي ريا بنده اولان جنت اعلاني تاپار

هوشمند اولسا اگر دامن حقدن پاپشار

حق اوزي لطف ايلوب بنده نالاني تاپار