رحمه گلدون نه گوزل منله مدارا ائلدون
نده قلبيمده کي بو درده مداوا ائلدون
قره گوز اوسته قرا قاشلار ايتي خنجرتک
پيلدي باغريمي گوزياشيمي دريا ائلدون
آغ يوزونده قره خالون مني ايتدي قره گون
اديمي ديللره سالدون مني رسوا ايلدون
دارادون تللري توکدون يوزوه شام و سحر
باغلادون ال قولومي محشر کبري ائلدون
تار زلفونله چکوب داره مني اولدوردون
صونرا ويردون گئنه جان معجز عيسا ائلدون
هارا گيتدون گوزليم منده دالونجان گلديم
من گوزوم اوسته دئدوم هر نه تمنا ائلدون
سويليرديم ئوزومه وصليوه بير کون چاتارام
مني سالدون اودا ياندوقجا تماشا ائلدون