درياي محيط جوشه گلدي................. کانيله مکان خروشه گلدي
سر ازل اولدي آشکارا........................عارف نئجه ايله سين مدارا
هر ذرّه گونشدن اولدي ظاهر............. توپراغه سجود قيلدي طاهر
نقاش بيليندي نقش ايچينده........ لعل اولدي روان بدخش ايچينده
آجي سو شراب کوثر اولدي ..................هر زهر نبات شکر اولدي
کلي يئر و گوي حق اولدي مطلق... سؤيلردف و چنگ وني اناالحق
معشوقيله عاشق اولدي بير ذات.... محو اولدي وجود نفي و اثبات
هر قطره محيط اعظم اولدي............... هر ذره مسيح مريم اولدي
داش و کسک اولدي ورد نسرين....فرهاد ايله خسرو اولدي شيرين
ترياک مزاجي توتدي آغو.............................لؤلؤ مدور اولدي دارو
مسجود ايله ساجد اولدي واحد.......مسجود حقيقي اولدي ساجد
ايمانيله کفر بير شي اولدي.......... تاتلي ايله آجي بير مي اولدي
شرکت آرادان گتوردي وحدت.......... وحدت دن آچيلدي باب رحمت
جانيله تن اولدي بير حقيقت ............. برکيتدي شريعت و طريقت
اشيا ايکي ليکدن اولدي خالي.............. باقي احد اولدي لايزالي
اي طالب اگر دگيلسن اعما................... گؤر وعده کل من عليها
رفع اولدي حجاب ماسوي الله........................ القدرت و البقا لله
غير اولدي هلاک وجه قالدي... محو اولدي بو بحره کيم کي دالدي
چون مومنه مومن اولدي مرآت............... مراتينا باخ اوندا گؤر ذات
گؤرسن سني کي نه جسم وجانسان..مقصودزمين وآسمان سان
آدمده تجلي قيلدي الله............... قيل آدمه سجده اولما گمراه
شيطان لعينه اويما زينهار................. اونون سؤزونه اينانما اي يار
اويخودان اويان کي محشر اولدي..... گؤر نئجه زمانه پر شر اولدي
چاليندي قيامتين نفيري............... اي ساغر ائشيتمدين صفيري
مشرکدن ائدر موحدي فرق....... اي واي اونا کي ايشي اولا زرق
هم خاتم الينده اولا فرمان........... يعني کي منم بوگون سليمان
موسي منم اول عصا اليمده............ حقدن ازلي قيلينج بئليمده
فضل ايستريسن حقيقته وار..... سعي ايله بو ايشده قالما زينهار
سؤيلر بو کيتابتي نسيمي..................من سر کلام حق نعيمي
الحق بو نسيمي آيتيندن................... گل اوخو بوگون نهايتيندن
الفاظ نسيمي گؤرنه جاندور.................. درياي محيط بحر کاندور
بو بحره داليپ دور "نسيمي".......... يعني کي ندير زريله سيمي