سفارش تبلیغ
صبا

وطنسیزله میشم

"نئچه ایللردی دییاریمدان اوزاق...
قوربت ائللرده وطنسیزله میشم."

فلک آیدین گونومو ائیله دی زای
اوز ائلیمدن ده داحا اولمادی حای
قم هوجوم چکدی کونول بحرینه، دای
سسله دیم گو نئجه سنسیزله میشم
قوربت ائللرده وطنسیزله میشم.

اوتری یئللر ایله اوتدو باهار
بلکه ائتسین منی هیجران ایله خوار
کونلوم اوستون بورودو چنلی قوبار
عشقینه قوش کیمی دنسیزله میشم
قوربت ائللرده وطنسیزله میشم.

اوچون آی نغمه لی قوشلار، بیر، اوچون!!!
یاریمین کونلونه بیر یول ?چین
سئوگیلیم ! من سنه یول تاپماق اوچون
هر جیغیر اوسته سنی ایزله میشم
قوربت ائللرده وطنسیله میشم.

داغلارا حال سالیبان بیر دلی تک
هر یئته ن کیمسیه قان- قان دئیه رک
"آراز" اوز عشقینی ترک ائتمیه جک
نئیله ییم کی داحا سنسیزله میشم
قوربت ائللرده وطنسیزله میشم.

"حسین زارعی(آراز)"- اهر