زهي ذاتين نهان و اول نهاندان ماسوا پيدا
بهار صنعونه امواج پيدا قعر نا پيدا
بلند و پست عالم شاهد فيض وجودوندور
دگيل بيهوده اولماق يوخ ايکن ارض و سما پيدا
کمال قدرتين اظهار حکمت قيلماغا ائتميش
غبار تيره دن آيينه ي گيتي نما پيدا
دمادم عکس آلير مرآت عالم قهرو لطفوندن
آنينچون گه کدورت ظاهر ائيلر گه صفا پيدا
گهي توپراغا ائيلر حکمتين بين مه لقا پنهان
گهي صنعون قيلير توپراقدان بين مه لقا پيدا
جهان اهلينه تا اسرار علمين قالميا مخفي
قيليبدير حکمتين کفار ايچينده انبيا پيدا
نشان شفقتين دير کيم اولور اظهار حمديچون
فضولي تيره طبعيندن کلام جانفزا پيدا