گولسه هر کيمسه بيزيم ديده گريانيميزا
دوشسون عالمده گوروم حال پريشانيميزا
عشق چوخ دلبر بي مهره اسير ائتدي بيزي
بيري رحم ائيلمه دي ناله و افغانيميزا
دوست سانديق گوروب هر شوخو بلاسين چکديک
دوشمن اولدو يئنه آخيرده بيزيم جانيميزا
ذوق آلار عشقيده بيزدن گوروب احواليميزي
هانسي درد اهلي اگر گلسه بيزيم يانيميزا
زولف زنجيرينه عقل ايله اسير اولماميشيق
عشق ديوانه سي ييک باخما بو نقصانيميزا
گلدي گول فصلي بيزي ساقي نظردن سالدي
پير ميخانه گرکدير باخا ديوانيميزا
دم غنيمتدي مئي ايچ /بدريني*/ ((واحد)) باشا سال...(*:شاعر سيد زاده بدري).
بير علاج اولسا اودور درد فراوانيميزا