نظرات ياداشت از ذهن محرمانه هم خط نميخوريم ... - آهــــــــــــــــــــاوران

+ محسن

آچ قوللارين آپار اؤزونه چک دنيز خانيم
بوغ گؤزلرينده بيرده مني آي عزيز خانيم

گؤيلرده يوخدي اولدوزوم آنجاق بيليرسينيز؟
سيز سيز اؤلوم ، ياشام ، حاياتيم تکجه سيز خانيم!

شيعريمده بير گؤزل قاراشين نازلي قيز ياشير
بير نازلي ساچلي دي اودا سيز سيز هنيز خانيم

دونيا نه ايسته ييرسه بيزي آيري ايسته مير
منلن سيزيک باخين ؛ اولوروق "بيرجه" ، "بيز" خانيم

ائوده آغاج ، حه يه ت ، قاپي دا گؤزله يير سيزي
ايستير اوتاق بيزي اوتوراق ديز به ديز خانيم

سيز يوخسونوز اتاق داريخير ، چاي آجيقلانير
سيز يوخسونوز هله دئيينير منله ميز خانيم

سيزدن سؤرا اؤلومدي ياشير منده هر زامان
سيزدن سؤرا ياشامدان اؤتور" يوخدي ايز خانيم

مندن سؤرا نه فايداسي وار ياديگار قالا !
بير شيعر دفتريم و داها بير عکيز خانيم؟

مندن چکين مه يين داها جور باخمايين منه
من قومسالام ، بير ايتميش آدا... سيز ؛ ـ دنيز خانيم