تا کي بنياد ايلرم رخسار جاناندان حديث

ائيله بيل کيم ايلرم گولزار جاناندان حديث

توتدوغو ايشدن پشيمان اولدو چکدي آه سرد

ائيله ديم چون خيضره تا اول لعل خنداندان حديث

اي سرشک لاله گون آماده اول گل کيم ائدر

خامه ي مشکين رقم زولف پريشاندان حديث

دورما اي پيک صبا عشاقي احضارائت تمام

تا ائدم من درد عشقه ذوق درماندان حديث

قوي قدم ميدان عشقه جهد قيل مردانه وار

باشيني اورتايا سال ائت گوي وچوقاندان حديث

عروه؛الوثقي کي دئرلر تار زولف ياريميش

توت بو محگم رشته ني ائت گنج پنهاندان حديث

غافيل اولما ناله شبگير وآه صبحدن

واصل اول دلداره آز ائت شام هيجراندان حديث

من کي مي دن کوسموشم عفو ايله سن ساقي مني

کوفردور گر بيرده ائتسم راح وريحاندان حديث

جومموشام درياي عشقه غوطه ور غواص تک

چکميشم دم ائيلرم بير درّ غلطاندان حديث

پرتو انوار حوسنون گورسه زاهد حق بيلير

ترک ائدر فردوسي ائتمز حور و غلماندان حديث

نقطه خالين خيالي لال ائديبدير نطقومو

کيم نه تقريب ايله قيلسين جوهر جاندان حديث

عشق بازاريندا آنجاق حوسن گفتار ايستيرم

طبع گوهرباريم ائيلر ماه کنعاندان حديث

بس کي خوگر اولموشام مهرولارين گفتارينه

لحظه- لحظه ائيلرم خورشيد رخشاندان حديث

بير پري پيکر نيگارين وصفيني شرح ايلرم

ائتمنم من اوزگه لر تک خان و سولطاندان حديث

اي دبير نکته پرور طوطي شيرين زبان

دم به دم هو هو چکيب ائت صدر دوراندان حديث

هادي راه حقيقت مرشد صاحب نظر

نقطه پرگار عالم بحر عرفاندان حديث

خسرو شيرين و فرهادي نظامي دن سوروش

کيم " نباتي" دائم ائيلر شاه مرداندان حديث.

نه تسبيح و نه تقديس و نه قرآنيله مشغولم

بو گونلر من کنار بوس جانانيله مشغولم

سوزنده گوزلرين جانان دوشور اعصابمه لرزه

وجوديم خسته دير پيوسته درمانيله مشغولم

دخي وعظ ايلمک ممکن دگيلدور بنده يه چونکي

اصول دينه واقف هم فروع دينه عارف دور

جميع احکامه دارا بير مسلمانيله مشغولم

خياليم وار يازام شرح کتاب حسن آيينه

دواته توکموشم چرنيل قلمدانيله مشغولم

يد بيضاسي وار ناز ايلمکده عشق ساتماقدا

رموز عشقه واقف بير سخندانيله مشغولم

يوزي گل کاکلي سنبل دهاني پوسته بوي بسته

گهي ناف مدور گه زنخدانيله مشغولم

مني يالقوز قويون ياريمله اي ياران سيزي تاري

بو گونلرده. نه دينيله. نه ايمانيله. مشغولم

حکيم ملا محمد فضولي...

ائيله دي آواره مني

سالدي هيجران اودونا اول بت مه پاره مني

ائيله دي زولفوتک هيجرينده گونو قاره مني

درد طغيانيمه بيجا يئره زحمت چکمه

تاري شاهددي طبيب اؤلدورو بو ياره مني

قيلدي کونلوم قوشونو حلقه زولفونده اسير

وار خيالي چکه منصور کيمي داره مني

سرکويوندا وطن قيلميش ايديم ديلدارين

اوزدو وصليندن اليم ائيله دي آواره مني

من تک عالمده غم و درده گرفتار اولسون

کيم کي حسرت قويوب اول مهوش دلداره مني

سن بو حسنيله زليخاي جهانسان اي مه

نولا عشقين چکه يوسف کيمي بازاره مني

واحدا زولف نيگاريم اينجه لدي تنيم

کيم گؤرو بنزه دير اول زولفده بير تاره مني

گنجه لي حکيم نظامي...

شاعر محمد بي ريا....

سنده صحرايه مارال لار کيمي بير چيخ نولي کي-

منده بير صيده چيخانلار کيمي صحرايه گليم

آللاهوندان سن اگر قوخميوب اولسان ترسا

قورخورام منده دؤنوب دين مسيحايه گليم

شيخ صنعان کيمي دونقوز اوتاريب ايللرجه

سني بير گورمک ايچون معبد ترسايه گليم

يوخ صنم! آنلاماديم، آنلاماديم حاشا من

بوراخيم مسجديمي سنله کليسايه گليم!

گل چيخاق طور تجلايه سن اول جلوه طور

منده موسي کيمي اول طوره تجلايه گليم

شيردير((شهريار))ين شعري الينده شمشير

کيم ديئر من بئله بير شيريله دعوايه گليم؟

اشعار علي آقا واحد...

واقتين دگيرمانندا داش اريدي قم اولدي
تاريخه آتّخيميز قايدي لوزوم اولدي
دوننين حقيقتي بو گون ترس يوزوم اولدي
نه دن يوزولماسين كي ، آخي دونيا فيرلانير

چوخ اوولوقلار ايچينده چوخ اوولاري اوولادم
آشيب داشان آرزومو من آرتخ جيلولادم
من آتامي اوتميشم مني اوتر اولادم
بو بئله ده اولمالي ، آخي دونيا فيرلانر

دونن دوز ساندقمي بوگون ايري سانيرام
بعضا اولور اوزومدن اوزومي اوغورلانيرام
هر ييل باشقا آرزونون باشنا فيرلانيرام
نه دن ده فيرلانميوم ، آخي دونيا فيرلانير

چوخ اييلن گورميشم اييلمين باشلاري
سولار دورولدي گوردوك ديبينده كي داشلاري
عونوانني ده يشدي دوننين آلقشلاري
نيه ده دييشمه سين ، آخي دونيا فيرلانير

نه جه دونر بو دوران نه جه دونر بوگرديش
تازيلارين اوسونه دوشانلاردا گولرميش
دونيا بينا اولاندان هرشي ده ييشلرميش
ده ييشمه سين نيلسين ، آخي دونيا فيرلانير

ابدي ني دونيادا من ابدي سانماديم
بير آتيشه توتوشدوم مين آتيشه يانماديم
بت لر گلدي ده گدي بيرنه اينانماديم
نه يه اينانماليام ، آخي دونيا فيرلانير

فيرلاندخ جان بودونيا يوخدان دونوب وار اولوب
قورويان چشمه لر ده سولار ينه جار اولوب
بو دونيانن خيري ده شري ده تيكرار اولوب
نيه تيكرار اولماسين ، آخي دونيا فيرلانير

مين مين ييللر بو دونيا بئله جه فيرلانسادا
بيريووانين بولبولي مين بوداغا گونسادا
آيلار ييللار فصيللر بيربيرني دانسادا
ديشمزدي عقيد ه م ، چوخدا دنيا فيرلانير

نه قده در ايستيورسا مين اوقده فيرلانا
قارشيما گاه شر چيخا گاه خيير دغرلانا
چرخي فللك ايستيور لاب ترسينه تولانا
عقيده مي هيچ نيه ده ييشمرم من ينه

اي حوسن ده يوسف زمانه
رحم ائيله فقير و ناتوانه
بير آن سني گؤرموينده ياريم
افغاني يئتيررم آسمانه

افلاکه کمند آتدي سن سيز
هر آه کي چکديم عاشقانه
ياقوت لبينده کي تبسم
سالدي گئنه کؤنلومو گمانه
اون دؤرد گئجه ليک بير آي اوزون تک
به لله کي گلمييب جهانه
گاه قان تؤکر و گاه ايچر قان
او سرو قده بودور نشانه
حيران گؤرونجه آي جمالين
اولدو گئنه عشقده فسانه

گئتمك ايسته ييرسن بهانه سيز گئت
اوياتما مورگولو خاطيره لري
سسين همين سسدير، باخيشين اوگئي
گئديرسن سسين ده ياد اولسون باري

سن دنيز قوينونا آتيلميش چيچك
اوستونه دالغالار آتيلاجاقدير
ساختا محبتين ، ساختا سند تك
نه واختسا اوستونده توتولاجاقدير
يوللار تك دوشه نيب آياقلارينا
سنه يالواريممي ؟! بو مومكون دئيل
قويمارام قلبيم تك وقاريم سينا
آلچاليب ياشاماق عومور- گون دئيل
دئميرم سن اوجا بير داغسان اييل
دئميرم علاجيم قاليبدير سنه
نه سنده محبت قارا پول دئيل
نه من ديلنچي يم ال آچيم سنه
گئتمك ايستييرسن او يول اودا س
بير جوت گوز باخاجاخ آرخانجا سنين
گئتدين مي ؟ نه واخسا دونمك ايسته سن
تيكانلي ياستيغا دونه جك يئرين
گگئتمك ايسته ييرسن نه دانيش نه دين
يوخ اول اوزاقلار تک دوماندا چنده
نه ييمي سئوميشدين دئيه بيلمدين
اينديسه يوز عيب گورورسن منده

سن سيز ائله بيلمه اؤله جه يه م من
قارا بير کدره دؤنه جه يه م من
گئجه لر يوخونا گله جه يه م من
سن مني اونودا بيلمه يه جک سن

عمرونده ناراحات ايزيم قالاجاق
آلووم سؤنسه ده کؤزوم قالاجاق
آرخانجا هميشه گؤزوم قالاجاق
سن مني اونودا بيلمه يه جک سن

سن ائله بيلمه کي غمدن اوزاقسان
عمرونو گونونو اودوزاجاقسان
اؤزونو بلکه ده اودوزاجاقسان
سن مني اونودا بيلمه يه جک سن

مني اونوتماغا عينادين کيمي
ايلک سئوگي آغريسي ، فريادين کيمي
لاپ اؤز آدين سوي آدين کيمي
سن مني اونودا بيلمه يه جک سن